مي عز الدين تبكي على الهواء بعد اتصال والدها

مي عز الدين تبكي على الهواء بعد اتصال والدها

بكت الفنانة مي عز الدين، على الهواء مباشرة أثناء حلولها ضيفة ببرنامج الإعلامي عمرو أديب، عقب اتصال والدها حسين عز الدين، قائلة: «دي مفاجأة حلوة، أنا عمري ما عملت برنامج على الهواء، ووالدي اتصل واتكلم».

وقال حسين عز الدين، والد الفنانة، في مداخلة هاتفية لبرنامج «كل يوم»، المذاع على فضائية «On E»، مساء الاثنين، موجهًا حديثه لابنته: «أنا فخور بيكي يا مي، بعد المرحلة اللي وصلتي ليها، وبتأسفلك عن الفترة اللي بعدنا فيها، لكن بأكدلك إنك كنتي في عقلي وكياني».

وأضاف: «عاوز أوجه الشكر لوالدتها الست العظيمة، بعد دورها في تربية مي، وتوجيهها لمستقبلها، وربنا يديها الصحة، وربنا يخليلها أختها، وزوج أختها، ويكملوا مع بعض على طول»، متابعًا: «كان في فترة كنت بخاف على مي أوي، ومكانتش بتنزل الشارع، لكن لما دخلت الفن قالتلي أنا بقيت أعرف أتعامل مع الناس».

ومن جانيها ردت «عز الدين» على مكالمة والدها قائلة: «ربنا يخليك ليا يا بابا، ويديك طول العمر، وتفضل طول عمرك جنبي».