زوج المطربة شاهيناز يرد على اتهامات تعديه عليها ويعلق: أمها لسانها طويل.. فيديو

زوج المطربة شاهيناز يرد على اتهامات تعديه عليها ويعلق: أمها لسانها طويل.. فيديو شاهنياز ضياء

كشف رجل الأعمال إيهاب محمود، زوج المطربة شاهيناز ضياء النجار نجمة ستار أكاديمي، حقيقة ما حدث بينهما.

وقال "محمود"، خلال مداخلة هاتفية ببرنامج "حضرة المواطن"، المُذاع عبر فضائية "الحدث اليوم"،: «أنا اتفاجئت بالكلام إللي زوجتي قالته ونشرته، وهي قالت كلام محصلش، وأنا لحد دلوقتي ساكت متكلمتش، واتشهر بيا علي السوشيال ميديا».

وتابع: «أنا عرفت إن مراتي خارج مصر بقالها أسبوع، كانت في دبي وإندونيسيا، ومكنتش اعرف انها مسافره، وهي الفروض كانت معرفاني إنها مسافره الجونة أو العين السخنة علشان شغل، واتفقنا إنها تسيب معايا ابننا».

وأضاف: «أنا أخذت ابني عادي من والدتها، واتفاجئت إنها مسافرة خارج مصر، والولد كان معايا مخطفتهوش زي هي ما قالت، وهي بتقول إني اعتديت عليها وضربتها هي ووالدتها، ووالدتها مفيش فيها أي إصابات».

وأشار: «زوجتي عندها جيوب أنفية وأي لمسة في أنفها بتنزل دم، وهي خدت سيلفي ونشرت صورة تقول إني خطفت ابنها، وأنا اتفاجئت بالكلام دا كله، وفضلت ساكت لحد أما لقيت الدنيا اتشهرت واتطورت»، موضحا: «أنا ايدي ما اتمدتش عليها، وكنت بدافع عن نفسي أما هما كانوا بيتعدوا عليا، ومرضيتش اضربها علشان ما يتقالش إني ضربت ستات».

وأوضح: «مراتي جات قالت لي أنا عايزه الولد، وأنا قولتها حاضر هجيبلك الولد، ومفيش أي مشكلة بيني وبينها، وإحنا أصلا بقالنا سنتين ونص منفصلين عن بعض، وايه إللي هيخليني أضربها في الوقت دا، وهي كانت رفعت قضيت خلع وأنا قولت لها مفيش مشكلة»، متابعا: «الموضوع هيتحول للقضاء والمحامي بتاعي هيتحرك الصبح».

ولفت: «كل إللي حصل إنها ووالدتها اتعدوا عليا بشتائم وألفاظ ميصحش إنها تتقال، ووالدتها معروض عنها إن إيديها طويلة ولسانها طويل، ولو اتكشف علي مراتي طبي دلوقتي هيلاقي إن مفيش أي مشكلة في أنفها، ولو هي مصابة بالمنظر المنشور علي السوشيال ليه والدتها سليمة، وهي سليمة في بيتها مفيش فيها أي حاجه».