أمير كرارة يصالح محمود البزاوي بهذه الطريقة بعد أزمة أفيش كازابلانكا

أمير كرارة يصالح محمود البزاوي بهذه الطريقة بعد أزمة أفيش كازابلانكا محمود البزوى وأمير كرارة

قرر الفنان أمير كرارة أن يحتوى غضب نجل الفنان محمود البزاوى بعد إعلان الأول عن الأفيش الخاص بفيلم "كازابلانكا" والذى خلى من صورة محمود البزاوى .

وطرح أمير بوستر دعائي آخر يجمع بينه وبين الفنان محمود البزاوي عبر حسابه على موقع التواصل الاجتماعى إنستجرام معلقا عليها : "لو الحرب ابتدت هتزعل يا بزاوي، وقام بمشاركة الصورة مع أكرم ووالده.

وكان قد كتب أكرم تدوينة عبر صفحته على فيسبوك قال فيها: "مبدأيا ابويا ماعندوش اي فكره عن البوست ده انا ابويا طيب و يمكن طيبته دي هي اللي كانت سبب في تأخير نجاحه وأنه كتب من الباطن كتير مثلا زي ما قولت قبل كده و كان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض".

وأضاف أكرم: "وبعد ما قدر يوصل بدراعه للي هو فيه لسه في ناس مش مقتنعة بي .. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش وابعد عنه أحسن لأنه في نظرك مش الشخص اللي يفيد .. في رأي الشخصي ناس كتير بتعرف تتصور بس مش الكل بيعرف يمثل .. و اسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي".

واختتم كلامه: "ملحوظة: أبويا قالي انه عامل دور مهم في الفيلم ده.. و يمكن بيكدب عليا و طالع كومبارس .. ساعتها هتأسف على البوست".