ماجدة الرومي تخرج من حزنها لتنعى ملحم بركات

ماجدة الرومي تخرج من حزنها لتنعى ملحم بركات

حرصت المطربة اللبنانية ماجدة الرومي على نعي الموسيقار الراحل ملحم بركات، رغم حزنها على رحيل والدتها منذ أيام.

كتبت الرومي عبر حسابها علي موقع التواصل الاجتماعي انستجرام: "من عَزا إمي للعَزا فيك ومن دير القرقفي كفرشيما لكنيسة مار بطرس وبولس كفرشيما قطعت المسافة بضيعتنا الصغيرة وانا قلبي عم يعصرو الأسى وانا عم بسمع صوتك طالع من كل شارع وحي.. وصوتك نفسو نفسو يا ملحم يلي فرّحني العمر كلّو مبارح نفسو نفسو ما ترك بعينييّ دمعة وحدة إبْكِيها.

وهيي نفسها نفسها شوارع كفرشيما يا ملحم يلي تمشّينا عليها بضيعتنا صغار وزهّرتلنا صغار وضحكتلنا صغار وهديتنا كل ربيع وكل أمل هيي نفسها نفسها مبارح شفتها خريف حزين مستعد يرمي كل وراقو ويبكي معنا ويكتب معنا ".

وتابعت الرومي: "(كلّو رايح وج الله بس وحدو اللي باقي).. وشفت الدنيا حزينة عليك مثلنا وبتحبّك مثلنا ورح تشتقلك مثلنا وتقول لكل جيل جايي بعدنا إنك من أعظم الاصوات يلي مرقت على هالشرق إنك صوت اذا رَق بيبكّي الحجر وإذا جن بتنحِنيلو العاصفة واذا تجلّى بتِخْضَر فينا جَنّات وانك جملة لحنية متفوّقة عريقة رح تبقى درس بالأصالة لكل عاشق موسيقى اليوم وكل يوم ولتنتهي الأيام .. أبو مجد يا حبيب اللبنانيي وكل العرب يا ابن كفرشيما البار مهما بعّدتنا الأيام رح نرجع نلتقى هيدا إيماننا بالله".

واختتمت "الرومي" كلماتها "وحتى نلتقى لنغني للابد أمجاد الرب بسألك بمحبّة طالعة من نص قلبي تِقبَل منّي بهاليوم الحزين كتير تقديري العظيم لفنك الاصيل لصوتك العالمي ولكل يلي كنتو بهالحياة".