محمد فؤاد عن عمرو دياب: لو عرفتم الهضبة على حقيقته هتحبوه أكتر من كدة 20 مرة

محمد فؤاد عن عمرو دياب: لو عرفتم الهضبة على حقيقته هتحبوه أكتر من كدة 20 مرة محمد فؤاد

كتب إبراهيم حسان

داعب الفنان محمد فؤاد، الجمهور بحبه الشديد للهضبة عمرو دياب، قائلا: "بصراحة مبطيقهوش خالص لدرجة أن مليش صاحب غيره"، متابعا: "الناس لو تعرف عمرو دياب على حقيقته تحبه أد كده عشرين مرة".

وقال "فؤاد" خلال حواره ببرنامج "90 دقيقة" الذى يذاع على فضائية المحور، إنه يحب تاريخ عمرو دياب بالكامل، مضيفا: "تملى معاك من أروع ما غنى عمرو دياب"، كاشفا عن رواية حدثت بينه وبين عمرو دياب بشأن أغنية له قام بغنائها عمرو دياب حيث قال ضاحكا "متخافيش أنا مش ناسيكى، دى الحتة النص كم بتاعة عمرو دياب، يعنى أنا مشترى اللحن، رغم أن قلتله خليهم يعملولك حاجة تانى، راح قالى أنا نفسى فيها، فراح مسخن حجاج ومجدى النجار الله يرحمه، فراح ابتدى يغنيها فى اللايف".

وتابع محمد فؤاد: "لما الموضوع وصلى، كلمته راح قالى الأغنية حلوة وعاوزها، فقلتله مينفعش طب ما أنا ممكن أعمل كده معاك، وبيسمعونى الشغل بتاعك ومش عاوز أجى ناحية حاجة، وممكن أروح هابش حاجة، فقالى وحياة أبوك هى عجبانى، فلقيته طابعلى البوستر وجايبلى مجدى النجار على البيت ففتحت الخزنة وقلتلهم اتفضلوا وحياة دينى ما أنا شغال معاكم تانى، لكن عمرو حبيبى وغير كده مكنتش حاسس إنها لايقة عليا أوى يعنى".