فيديو.. والد الضابط المفقود في الواحات يناشد السيسي: «عايز ابني حي أو ميت»

فيديو.. والد الضابط المفقود في الواحات يناشد السيسي: «عايز ابني حي أو ميت»

ناشد الدكتور علاء الحايس، والد النقيب المفقود محمد الحايس، معاون مباحث أكتوبر، وأحد المشاركين في معركة الواحات، الرئيس عبد الفتاح السيسي، باستعادة نجله الذي فقد خلال معركة الواحات، قائلًا: «أنا عايز ابني».

وأضاف «الحايس»، خلال لقائه ببرنامج «هنا العاصمة»، المذاع عبر فضائية «سي بي سي»، مع الإعلامية لميس الحديدي، أمس الأحد، «ابني لو استشهد فهو مش هيغلى على اللي خلقه، ولا هيغلى على مصر، لو اتخطف، أنا هتدمر، دي ناس ماتعرفش ربنا، هيقطعوا ابني، عايز أعرف إيه حصله، طمنوني عليه، عايز ابني حي أو ميت».

وتابع: «محمد بالنسبالي كان حاجة كبيرة، كان دايما يقولي يا بابا أنا في ضهرك، مش أنت اللي في ضهري، كان بيحب شغله جدًا، وبيتكرم كتير، لو ابني رجع النهاردة، وعنده مأمورية بكرة، أنا مش همنعه، وهشجعه، عشان دي بلده».

وكانت وزارة الداخلية قد أعلنت، أول أمس السبت، عن استشهاد 17 من قوات الأمن ومقتل وإصابة 15 إرهابيًا، أثناء مداهمة إحدى المناطق بالعمق الصحراوي بالكيلو 135 بطريق «أكتوبر-الواحات»، بمحافظة الجيزة، الجمعة الماضية، بعد ورود معلومات لقطاع الأمن الوطني حول اتخاذ مجموعة من العناصر الإرهابية من هذه المنطقة مكانًا للاختباء والتدريب والتجهيز للقيام بعمليات إرهابية.