أحمد حسن يزور "مريم".. وينشر : يوم مع الدكتورة

أحمد حسن يزور "مريم".. وينشر : يوم مع الدكتورة احمد حسن ومريم

كتب – محمد ربيع

زار أحمد حسن عميد لاعبي العالم ونجم الأهلى والزمالك والمنتخب الشابق، الطالبة مريم الحاصلة على 99% في الثانوية العامة هذا العام، والتى عرفت إعلاميًا بـ" بنت البواب"، حيث جاءت مريم في المراكز الأولى على مستوى الجمهورية رغم مهنة والدها التى يستعر منها الكثيرون، وأعلنت أنها فخورة بوالدها ما جعلها مثالاً يحتذى به.

ونشر  أحمد حسن عبر صفحته الرشخصية على موقع التواصل الاجتماعي صور زيارته لمريم، وكتب: :يوم مع الدكتورة مريم وعائلتها، حابب اتكلم عن نموذج مشرف ومحترم وهقول اللي أنا حاسه وهتكلم من قلبي شوفت الصديق سامي عبد الراضي أول ما نزل قصة مريم ونجاحها في الثانوية بنسبة 99% وهي بنت حارس عقار بسيط، ولكنه كبير مقاما وعفيف النفس اتصلت مباشرة على سامى وقولتله عايز ازور مريم وأبوها، وشوفت اد اية مريم فخورة بأبوها وأمها واهلها كلهم، وهم دول فعلا اللي يتقال عليهم ولاد الناس مش زي ما المجتمع المريض بيصور الناس دايما بالمظاهر الكدابة هما ولاد مين وللا لابسين اية وللا راكبين اية، وده للاسف اصبح حال مجتمعنا الردئ، بس ولاد الناس الحقيقيين هما اللي عرفوا يربوا ولادهم، ولاد الناس هما اللي بيحافظوا علي قيمهم ومبادئهم وأهاليهم، ولاد الناس عمرها ما كانت بالمظاهر الكدابة، وبما اني ده مجتمعنا واصبحت دي نظرة المجتمع،  فنفس الشىء ينطبق علي اعلام اعمى عن رؤية النمادج المشرفة، تفتكروا حد النهاردة هيجري ورا مريم ويدفعلها فلوس عشان يستضيفها ويطلعها كنمودج مشرف فهي بنت حارس العقار البسيط وعندها اربع اخوات وفي غرفة واحدة قدرت تتحدى كل الصعوبات دي وتجيب 99%، اكيد محدش هيعمل كدة عشان اصبحنا في زمن التفاهات والهلس ، نموذج زي مريم اكيد ما يجروش وراه ، لكن طبعا يجروا ورا نماذج التعري التانية ، اللي كل ما تتعرى اكتر يدفع لها اكتر، فتتعرى اكتر فيدفعلها تاني اكتر، وللاسف هو ده بقى حال مجتمعنا واعلامنا، طب ما انا عندي فكرة ما نقدم نموذج زي مريم".

وأضاف على صفحته على "فيس بوك": "يبقى عندنا نموذجين نموذج للتعري ونموذج محترم تحدى كل الصعاب ونسيب الناس هي اللي تختار، ومش كدة وبس دا المفروض انهم يجروا علي مريم ويدفعولها بالدولار وهي اللي تتنك عليهم لان مريم هو النموذج المفترض اللي نقدمه لولادنا ومجتمعنا علشان ننشئ مجتمع سوي مش نقدم النماذج الهلس مبسوط جدا النهاردة ان انا زرت العيلة دي وانا فخور ببنت زي دي وبعيلتها، ليا صور كتير بعتز بيها وبكون فخور بيها ولكن الصورة دي هحتفظ واتشرف بيها، وكمان هكتب تحتها شكرا لمريم انها اتصورت معايا عشان والله ومن قلبي أنا كنت أتمنى إن نموذج مريم ده تكون اختي او بنتي، باصرارها وعزيمتها وطبعا ادبها واخلاقها وتربيتها عشان كنت هطلع واقول دي اللي شرفتني، أكيد في مئات زي مريم، محتاجين حد يظهر النماذج دي عشان نعلم ولادنا معنى النموذج المحترم،  شكرا للدكتورة مريم، وشكرا للحاج سعيد الراجل المحترم.. وهما دول الناس الحقيقين وهما دول ولاد الناس الحقيقين".