حكاية جملة وصفها تامر حسنى بأنها أعظم من أى جائزة أو لقب حققه

حكاية جملة وصفها تامر حسنى بأنها أعظم من أى جائزة أو لقب حققه تامر حسنى

ذكى مكاوى

إضافة تعليق

نشر النجم تامر حسنى، عبر حسابه على إنستجرام مؤخراً جزءا من لحظة تقديمه على مسرح حفلته الأخيرة فى الرياض وتحديداً حينما قيل عنه: "يكفى لما تشوف واحد صاحبك مصرى بتقوله سلملى على تامر"، ليعلق عليها تامر بقوله: "زمان سمعت الجملة دى على قامة كبيرة فى الفن وعجبنى العمق والتعب اللى فيها، واتمنيت أكون واحد من اللى تتقال عنهم الجملة دى فى يوم من الأيام.. وقولت لنفسى عايزة مجهود مش طبيعى وفضلت الجملة دى تطاردنى فى ذهنى بشكل غريب لحد ما أخيراً سمعتها وعلى المسرح.. الحقيقة فرحتى بيها أكبر من أى لقب سمعته فى حياتى وأهم من أى جايزة عالمية حصلت عليها، يا شباب احلموا مفيش مستحيل احلموا تحت أى ظروف واتعبوا عشان تحققوا الحلم (النجاح على قد التعب) الحمد لله".

تعليق تامر حسنى ذكر متابعيه بما سبق وقيل عن قامات كبيرة أشهرها ما ذكر أثناء رحلة الرئيس المصرى الراحل جمال عبد الناصر فى المغرب، وتحديداً مدينة الرباط بصحبة الملك محمد الخامس حينما استوقفه مواطن مغربى أثناء مروره ليقول له "ريس سلملى على إسماعيل ياسين".. وهو الأمر الذى لفت انتباه الزعيم الراحل للاهتمام بالسينما بصورة أكثر فور عودته نظراً لمعرفته بتأثيرها القوى فى الشعوب.

View this post on Instagram

زمان سمعت الجمله دي على قامه كبيره في الفن وعجبني العمق والتعب اللي فيها واتمنيت اكون واحد من اللي تتقال عنهم الجمله دي في يوم من الأيام ... و قولت لنفسي عايزه مجهود مش طبيعي وفضلت الجمله دي تطاردني في ذهني بشكل غريب لحد ما اخيراً سمعتها وعالمسرح .. الحقيقه فرحتي بيها اكبر من اي لقب سمعته في حياتي واهم من اي جايزه عالميه حصلت عليها يا شباب إحلموا مفيش مستحيل إحلموا تحت اي ظروف واتعبوا عشان تحققوا الحلم (( النجاح على قد التعب )) الحمدلله

A post shared by Tamer Hosny (@tamerhosny) on Apr 19, 2019 at 11:23am PDT

على جانب آخر كسر النجم تامر حسنى أرقاماً قياسية بالأمس خلال حفلته فى مدينة الرياض بالمملكة العربية السعودية، بتسجيله أعلى نسبة حضور فى تاريخ الحفلات بالرياض، إذ تخطى عدد حضور حفله أمس 100 ألف شخص، وعلق المذيع فى تقديمه للحفل أنه أنجح وأهم فنان مصرى دون منافس غنى بالسعودية، وهو أحد رموز الفن المصرى والعربى.

إضافة تعليق