بعد بيان أحمد سعد.. سمية الخشاب: هو المحامي بتاعك هياخد إجراء من غير ما يقولك؟

بعد بيان أحمد سعد.. سمية الخشاب: هو المحامي بتاعك هياخد إجراء من غير ما يقولك؟

علقت الفنانة سمية الخشاب، على الأزمة الأخيرة مع الفنان أحمد سعد، بعد الحكم بحبسها لمدة 3 سنوات، في قضية شيك بدون رصيد، قائلة: "أنا عندي تعاملات مع أهم 3 بنوك في مصر، وعمري ما طلعت شيك وحد أخد رفض عليه".

وأضافت خلال مداخلة هاتفية لبرنامج "القاهرة الآن"، المذاع عبر فضائية "العربية الحدث"، مساء الأحد: "هو راح في وقت مفيش فيه فلوس، وأخد رفض على الشيك، وكنت قلت له معلش أستأذنك، أنا برة مصر، ولما أعمل إيداع قدم الشيك"، موضحة أنها لم يصلها أي خبر بشأن هذه الأمر، رغم التواصل بين محاميها ومحامي الفنان أحمد سعد.

وأشارت إلى أنه كانت هناك مفاوضات بين الطرفين بتدخل عدد من الوسطاء، مضيفة: "حصلت مفاوضات، مع ناس وسطاء خير، وقعدنا اتكلمنا كلام رجالة، إحنا مش بنهزر، أنا احترمت كلام الرجالة، لما قالوا وافقي وكفاياكي وجع قلب، وقلت لهم كلامكوا على راسي".

واستطردت: "الفلوس بتروح وتيجي وإحنا اللي بنعملها، لكن الأهم هو دمي، مش فاهمة يعني إيه واحد اتسبب إني سقطت طحالي عشان هو واحد مستهتر، قطة أنا ضربتها بعربيتك وكملت عادي؟ ويقول الطحال أصلًا ملوش لازمة".

وعلقت على بيان الفنان أحمد سعد الذي ذهب فيه إلى أن هذا الأمر ناتج عن خطأ إجرائي قائلة: "معقول المحامي بتاعك هياخد إجراء من غير ما يقولك؟".

وقضت محكمة جنح الدقي، أول أمس السبت، بمعاقبة الفنانة سمية الخشاب، غيابيا بالحبس لمدة 3 سنوات، في قضية شيك دون رصيد مقامة من طليقها الفنان أحمد سعد، حملت رقم 17590 لسنة 2019، وشمل الحكم إلزامها بدفع كفالة قدرها 50 ألف جنيه لإيقاف تنفيذ الحكم