بالفيديو| وفاء عامر لـ"البارودي": "فرحنالك قد الدنيا إن ربنا أنصفك"

بالفيديو| وفاء عامر لـ"البارودي": "فرحنالك قد الدنيا إن ربنا أنصفك" ريم البارودي

الأخبار المتعلقة

ريم البارودي تنعى الإعلامي الراحل حمدي قنديل

ريم البارودي تدعو جمهورها لمتابعة مي عزالدين في "البرنسيسة بيسة"

من الصداقة للطلاق.. تعليقات ريم البارودي حول قصة "أحمد سعد وسمية"

ريم البارودي عن أول حب بحياتها: "كنت في إعدادي.. ومن طرف واحد"

أعربت الفنانة وفاء عامر، عن حبها للفنانة ريم البارودي، وسعادتها البالغة بنجاحها مؤخرا في مسلسل "قيد عائلي".

ونشرت عامر فيديو لها وهي تتحدث عن البارودي، قائلة: "أحلى حاجة في الدنيا لما تلاقي حد بيحبك من قلبه، من غير ما يكون عاوز منك حاجة، الحد ده ليه في حياتي قصة كبيرة من وقت ما كانت طفلة صغيرة ومكانتش عاوزة تمثل، وأنا قولتلها لازم تمثلي وأخدتها ورشحتها في صوت القاهرة، وعملت دور من أهم الأدوار في العمل الدرامي، رغم إنّها مكانتش مهتمة بالتمثيل".

وتابعت عامر: "الحد ده اسمه ريم البارودي، بحبك يا ريم وفرحنالك أد الدنيا إن ربنا أنصفك وبتعملي دور في مسلسل كبير فيه مجموعة من النجوم العظام"، وزادت: "يا ريم إنتي تستاهلي أكبر بكتير من كده، وعقبال ما أبارك ليكي على السر، بحبك يا حبيبتي، ربنا يخليكي ليا ومتحرمش من قلبك ولا من حبك ولا من عيلتك الجميلة، اللي بيسألوا عليا في كل وقت".

View this post on Instagram

A post shared by Reem Elbaroudy (@reemelbaroudyofficial) on Apr 17, 2019 at 8:09pm PDT

وأعادت البارودي نشر الفيديو الخاص بعامر، عبر حسابها على "إنستجرام"، معلقة: "أحلى حاجة في الدنيا، إنتي الحب والرقي والأخلاق عمرك ما اتغيرتي، السنين دي كلها إنتي زي ما إنتي إنسانة بمعنى الكلمة في زمن صعب، متواضعة كريمة وجدعة، بنت بلد أصيلة وأخت وصديقة صدوقة، ومع كل الناس محبة وعطوفة بعيدا عن الوسط الفني، بيتك دايما مفتوحلي بالحب في كل أوقاتي الحلوة والصعبة واللي بعتبره بيتي التاني، أما على المستوي الفني تشرفت إني أكون جنب نجمة قيمة وقامة، بحبك ربنا يخليكي ليا ولينا يا غالية، مبروك السر يا حبيبتي، وسري دايما معاكي".