حقك عليا.. رسالة مؤثرة من هنا شيحة إلى هيثم أحمد زكي

حقك عليا.. رسالة مؤثرة من هنا شيحة إلى هيثم أحمد زكي هنا شيحة - هيثم احمد زكي

وجهت الفنانة هنا شيحة رسالة مؤثرة للراحل هيثم أحمد زكي عبر خاصية "ستوري" بموقع التواصل الاجتماعي "إنستجرام".

وكتبت هنا شيحة، "الوقت مش ‏موجود، حقيقي مش موجود، دايما فاكرين إن في وقت، في وقت أشوف أهلي، في وقت أكلم صحابي اللي ‏واحشني، في وقت أرد على المكالمات اللي ما ردتش عليها".

وأضافت هنا شيحة، "بس مفيش وقت، الوقت هو دلوقتي حالا، منستناش نعمل اللي حاسينه ونكلم اللي واحشنا لأنه فجأة ‏ممكن ميبقاش موجود وسطينا ونزعل ونندم إننا قصرنا في حقه ومعملناش اللي كان نفسنا نعمله ومالحقناش".‏

وتابعت هنا شيحة "حقك عليا يا هيثم، أنا قصرت في حقك ومكنتش بسأل عليك زي ما المفروض أسأل، ‏زعلانة قوي من نفسي وأنت وحشتني وما شوفتكش وما لحقتش أشوفك، مشيت بسرعة قوي يا هيثم، مش ‏مستوعبة إنك روحت، البقاء لله إنا لله وإنا إليه راجعون".‏

إقرأ أيضاً:

اللي خلف مات عادي .. درة تكشف عن رسائل تنمر وصلت أحمد هيثم زكي قبل رحيله

هيثم أحمد زكي | ميرنا المهندس .. عمرو سمير .. قصص رحيل فنانين في عمر مبكر

من أمام الكعبة.. كيف تضامن المعتمرون مع هيثم أحمد زكي .. شاهد