رامى جمال يعلن إصابته بمرض البهاق ويفكر فى الاعتزال

رامى جمال يعلن إصابته بمرض البهاق ويفكر فى الاعتزال رامى جمال

كتب بهاء نبيل

مشاركة

اضف تعليقاً واقرأ تعليقات القراء

أعلن المطرب رامى جمال إصابته بمرض البهاق، بعد ظهور بقع بيضاء اللون بمناطق بجسده، دون أن يجد له علاجا، وقرر أن يشارك الجمهور الأمر ليضع حلين أمامه إما الاعتزال أو أن يتقبله الجمهور بهذا الشكل".

وقال رامى جمال خلال حسابه الشخصى على إنستجرام: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".

وتابع: "رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".

وأضاف: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة".

وأستكمل رامى حديثه: "لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".

رامي جمال اخبار رامي جمال مرض البهاق اصابة رامي جمال بمرض البهاق رامى جمال اليوم اعتزال رامى جمال اليوم السابع بلس

مشاركة

اضف تعليقاً واقرأ تعليقات القراء

الموضوعات المتعلقة

جنات تتعاون مع الملحن رامي جمال والموزع شريف مكاوي في ألبومها الجديد الإثنين، 14 أكتوبر 2019 12:00 ص

رامى جمال يوجه الشكر لرائد الفضاء هزاع المنصورى: شرفت الشباب العربى الخميس، 03 أكتوبر 2019 11:10 ص

رامى جمال ينتهى من تسجيل أغانى ألبومه الجديد ويبحث عن اسم له الأربعاء، 25 سبتمبر 2019 03:00 م

تعرف على فريق عمل ألبوم رامى جمال الجديد.. قبل طرحه الثلاثاء، 24 سبتمبر 2019 04:02 ص