وزير النقل لمدير ورشة أبو راضي: اجمد شوية إنت مش عاجبني ..فيديو وصور

وزير النقل لمدير ورشة أبو راضي: اجمد شوية إنت مش عاجبني ..فيديو وصور وزير النقل

طالب المهندس كامل الوزير، وزير النقل، المهندس صبحي محمد، مدير ورشة كوم أبو راضي للسكك الحديدية ببني سويف، بتفتيش عربات القطارات قبل دخولها الورشة وعمل محضر بكل ما فيها للحفاظ عليها وعدم تعرضها للسرقة.

وقال الوزير: "متنقلش حاجة من عربة قطار وتحطها في عربية تانية عشان تصلحها.. ده مينفعش.. العربية اللي تدخل نشوف ناقصها ايه ونكملها، ومناخدش منها حاجة إلا إذا كانت هتطلع خردة".

وخاطب الوزير مدير محطة أبو راضي قائلا: "اجمد شوية .. أنت مش عاجبني.. الفكر ده لازم يتغير".

وكان وزير النقل قد وصل، إلى ورش سكك حديد كوم أبو راضى ببنى سويف لمتابعة أعمال الصيانة والعَمّرات لعربات القطارات للورش الإنتاجية الأكبر على مستوى الجمهورية.

رافق الوزير خلال زيارته المهندس أشرف رسلان، رئيس هيئة سكك حديد مصر، وعدد من قيادات السكة الحديد وزارة النقل.